Filastrocca

 

Uno, du e tre
el Papa no' l'è Re
el Re no' l'è Papa
el pan no' l'è fogassa
e fogassa no' l'è pan
e ancò no' l'è diman,
e fogassa no' l'è pan
e ancò no' l'è diman.

Diman no' I'è ancó
e tripe no' i è bro'
e bro' no' i è tripe
e ràe no' i è raìse
e raìse no' i è ràe
mesi no no' i è stimane,
e raìse no' i è ràe
mesi no no' i è stimane.

Stimane no' i è mesi
e i conti no' i è marchesi
marchesi no' i è conti
savatini tira i ponti
tira i ponti i savatini
gà la vanga i contadini,
tira i ponti i savatini
gà la vanga i contadini.

Contadini gà la vanga
la me Nina no' la canta
no' la canta la me Nina
e càio no' l'è puina
e puina no' I'è càio
torta no no' I'è formàio,
e puina no' I'è càio
torta no no' I'è formàio.

E formàio no' I'è torta
e la brèspa no' I'è mosca
e la mosca no' l'è brèspa
un dipon no' I'è 'na vesta
e 'na vesta no' l'è un dipon
se l'è brao no l'è un poltron,
e 'na vesta no' l'è un dipon
se l'è brao no l'è un poltron.

Poltron no' l'è un brao
'na colona no' I'è un trao
e un trao no' l'è colona
un omo no' I'è 'na dona
de la dona el so butin
de la cioca l'è un pondin,
de la dona el so butin
de la cioca l'è un pondin.

Un soldo no' I'è un franco
un franco no' I'è un soldo
e un sordo no' I'è 'n orbo
un drito no' I'è storto
e un codogno no' I'è un pomo
dame un soldo che te 'l dono,
e un codogno no' I'è un pomo
dame un soldo che te 'l dono.

 

Musica di nostra invenzione

Tutti i diritti sono riservati